شوفتوا المدارس الأمريكانى ؟؟
.jpg)
شاء القدر انى أحضر امبارح حفلة استقبال الأطفال فى أول يوم دراسى لهم فى المدرسة الأمريكية فى أسكندرية
أحنا ما كوناش بنروح مدارس ولا ايه؟؟؟
اليكم شوية حاجات من اللى شوفتها
أولا
D J فى الحديقة لعمل جو ظريف للأطفال
D J فى الحديقة لعمل جو ظريف للأطفال
وثانيا على مدخل المدرسة بعض المدرسات يحملن الحلويات لتسليمها للاطفال أول ما يدخلوا
ثالثا الحديقة مليئة بالمشرفات شبه واحدة لكل طفل لتكون مسؤلة عنه فى كل ما يحتاجه أثناء اللعب والمدرسات يشاركوهم فى اللعب ايضا
رابعا رسامين الماسكات اللى بتترسم على الوجه فى انتظار من يريد
خامسا اتفقعت مرارتى جدا
وبعد قضاء الأطفال نصف اليوم فى هذا الجو الرائع صعدوا الى فصولهم ليس للتعليم انه ( فانى داى ) بل ليلعبوا ويمارسوا الأنشطة المسلية داخل الفصل وفى نهاية اليوم أخذ كل طفل كيس مقرمشات و فانوس هدية رمضان
الله على الفلوس اللى خلت حتى التعليم يبقى فيه خيار وفانوس قصدى فاقوص
Comments
طبعاً اغلبنا اتعلم في فترة كانت مفيهاش الحاجات دي وكن انضف حاجه مدرسة فيكتوريا والحاجات دي الي دلوقتي بقت لعامة الشعب
اماالنوع ده من المدارس الي انتي بتتكلمي عليها دي مصاريفها خيالية يعني من 10000 وطالع
فليه ميعملوش كده للعيال واكتر
وانا بصراحة مكنتش عارف الحاجات دي لحد محتكات بهذا العالم اثناء بحثي عن مدرسة لأبني
الشئ الأكيد ان المدارس بشكل عام لا دخل لها بشكل كبير في قيم الإنسان
وانما البيئة المحيطه هي المؤثر الأكبر
الله ينور يا داليا ويبارك في الناس الي زيك
الصراحه أحنا كنا بنروح ملاجىء
أستنى بقى
دي مدرسه أمريكاني في مصر
تخيلي بقى أختى وولادها بيحكوا لي ايه على المدارس الأمريكاني في أمريكا مطرح ما هما عايشين
الصراحه أحنا كنا بنروح معتقلات عسكريه
أو سجون للخطرين
أي حاجه غير أنها كانت مدرسه
تحياتي
وشكرا على البوست
احمد الجيزاوى
علي فكرة انا مش فاهم موضوع العصافرة ده بتاع وائل العبيط ده ..ازاي هو كتب الموضوع عن العصافرة وهو حصل في سيدي بشر والمدونة العبقرية اللي اسمها داليا المرغني اللي اديتو الصور وقالت انها صورت الاحداث ...يا ترس كانت بتصوور فين معتقدش انها كانت بتصور في العصافرة والحدث في سيدي بشر الا لو كانت هي كمان مسطولة زي وائل يعني يظهر ان الصور اللي صورتها داليا الميرغني دي صور متفبركة والدليل انها بتقول انها غطت احداث الموضوع في العصافرة بينما هو حصل في سيدي بشر ووائل زي العبيط اخد كلامها علي انه غير قابل للنقاش ونشر الموضوع بعبط ..عشان كده الاحت داليا عمالة تشكر في وائل يظهر انها عي كمان ناوية تخد نفس طريق وائل الكدب والفشر والفرقعة الجامدة عشان توصل ..بجد تهريج بجد مهزلة بكل المقاييس مدونة تنقل حدث بالكدب وتبعت صور مزيفة مش باين منها اي شيء ووائل ينشر واحنا نضحك ليهم ..لا اللي يغيظك انها تقولك البوليس عكشني ...طيب البوليس هيعكشك ليه دا انتي بتصور احداث وهمية في العصافرة ولا تلاقي حكاية البوليس دي كمان وهم وفشر ..وتلاقيكي انتي كمان يا داليا عايزة تثبتي انا البوليس بيدور عليكي انتي كمان وان امن الدولة بيدور عليكي وانك مسكينة انتي كمان مطاردة ربنا ما يحرمكمش من الهبل وانتي المحروس العبيط وائل
thank u soooo much 3la almotab3aa
ناس معاها فلوس .. ربنا يزيدهم .. إحنا بنتضايق ليه؟
برغم إنك شايفة الموضوع ينقط إلاّ إني شايفاه استقبال جميل جداً ، الزمن بيتغير و أساليب التربية برضو لازم تناسب عصرنا، لو قارنا المدرسة الأمريكية بأي مدرسة حكومية أكيد الحكومية هتبقى إصلاحية أو ملجأ أيتام أو مدفن
بس لما يكون الأهل لديهم المقدرة على دفع المصاريف الخيالية للمدرسة يبقى من حقهم إن أطفالهم يحصلون على كل ما يجعلهم يحبون المدرسة و التعليم
مدراسنا ببساطة بتعاقب الطفل لأنه راح يتعلم، من أول يوم شخط و نطر و واجبات و كشاكيل و كتب خارجية لحد السقف ! و في الآخر يغششوهم في إمتحانات آخر السنة و يطلع العيال أغبى و أجهل منهم مافيش
يا ستي خليهم يعيشوا حياتهم و ينبسطوا!
سعيدة باكتشاف المدونة
.رون
http://hagaies.blogspot.com/
انا واحد عادي جداً من الإسكندرية ومتابع كذا مدونه محترمه وماليش اي علاقة بوائل عباس ولا عمري شفته علي الطبيعة ولا كلمته حتي ولكن اكره اعداء النجاح و التقليل من شأن التفوق وبصراحة انا ميهمنيش اني اثبتلهم اني مش وائل ولكن مادام انتي طلبتي ده
فالمدونه لنكها فوق وهي علي كل حال موجوده في الروفيل بتاعي وكان ممكن يدخلوا يشوفوها ولكن هما بيقولوا علي كل الي يعارضهم انه وائل عباس بما فيهم انتي كمان بيقولوا عليكي انك وائل ...تخيلي !!!
وعلي فكره هي مش مدونة محترفه زي بتاعتك كده..وانما حاجه كنت بجرب بيها بس مش اكتر
وفي النهاية تحياتي وشدي حيلك وسيبك منهم
كل سنة وانتم كلكم بخير
اخبارك ايه يا انسة داليا؟ يارب تكونى بخير
نرجع للموضوع
عارفين اكتر حاجة فاكرها وانا فى الأبتدائية وسنة السنة التانية والتالتة الأعدادية (الأولى كنت مبلطج)
خرزانة اسمها عزيزة
كانت عزيزة صحبة مدرس التاريخ واختها توحيدة صاحبة الأستاذ محمود الناظر
اهى عزيزة وتوحيدة دول
فى الأبتدائية ظبطونى احلى تظبيط
وفى تانية وتالتة اعدادى
ظبطونى برضه بس كنت باخد حقى :D
لحد اما وصلت فى مرة ضربت مدرس التاريخ بسبب عزيزة بتاعته دى :d
مدارس ايه اللى احنا كنا فيها؟؟؟؟
احنا على كده كنا فى معتقلات
السنة الوحيدة فى الدراسة اللى كنت واخد فيها حقى (الكلام على الأبتدائى والأعدادى لكن الثانوى, ماحدش كان بيعرف يتكلم معانا)
كانت اولى اعدادى
كنت مصاحب المدرس بتاع الكومبيوتر
وكنت بعلمه الكومبيوتر :d
هو كمان كان بيعمل معايا احلى واجب
كان بيخلينى ادخل المدرسة بعد اما الطابور يخلص واطلع على قودة الكومبيوتر دايركت مافيش فصل اطلعه ولا حصة احضرها
وامشى قبل الكل واتقيد حضور :D
دى السنة الوحيدة فى الأبتدائية والأعدادية اللى كنت مأجز فيها من المعتقل :D
كان نفسى المدونة يكون فيها نظام الأقتباس عشان كان فى كام رد عايز اعلق على كل واحد منهم لوحده..
بس مش مشكلة الموجود يسد
بالنسبة لنظام التعليم فى المدارس دى
دى سياسة انهم يحببو الطالب فى المدرسة
لحد اما يبدأ يستوعب انها دراسة وعقله ينضج شوية
وبعدها يبدأ يدخل فى الجد ويزاكر
ويجتهد انه ينجح عشان المدرسين بتوعه يحبوه لأنه بيحبهم
انا ابن اختى فى رابعة ابتدائى
من اول اولى ابتدائى وهو كل سنة يا الأول يا التانى على المدرسة
ولما بيطلع التانى بيفضل يلوم فى نفسه
ولما اكلمه واشجعه واعرفه ان هو شاطر
يقولى لا.. ميس هدى طلبت منى انى اطلع الأول فى المادة بتاعتها (العربى والأملاء)
واستاذ حسن طلب منى اطلع الأول فى المادة بتاعته
وانا دلوقتى طلعت التانى وهما هايزعلوا منى!!
شوفته تأثير الدراسة اللى من النوع ده على الأطفال؟
بس للاسف الطفل من دول عشان يتمتع بكل ده
ويكبر ويبقة انسان ناجح
لازم يكون ابوه عضو مجلس شعب او تاجر فى الذى منه
واترك لكم الباقى
كل سنة وانتم كلكم بخير
اخبارك ايه يا انسة داليا؟ يارب تكونى بخير
نرجع للموضوع
عارفين اكتر حاجة فاكرها وانا فى الأبتدائية وسنة السنة التانية والتالتة الأعدادية (الأولى كنت مبلطج)
خرزانة اسمها عزيزة
كانت عزيزة صحبة مدرس التاريخ واختها توحيدة صاحبة الأستاذ محمود الناظر
اهى عزيزة وتوحيدة دول
فى الأبتدائية ظبطونى احلى تظبيط
وفى تانية وتالتة اعدادى
ظبطونى برضه بس كنت باخد حقى :D
لحد اما وصلت فى مرة ضربت مدرس التاريخ بسبب عزيزة بتاعته دى :d
مدارس ايه اللى احنا كنا فيها؟؟؟؟
احنا على كده كنا فى معتقلات
السنة الوحيدة فى الدراسة اللى كنت واخد فيها حقى (الكلام على الأبتدائى والأعدادى لكن الثانوى, ماحدش كان بيعرف يتكلم معانا)
كانت اولى اعدادى
كنت مصاحب المدرس بتاع الكومبيوتر
وكنت بعلمه الكومبيوتر :d
هو كمان كان بيعمل معايا احلى واجب
كان بيخلينى ادخل المدرسة بعد اما الطابور يخلص واطلع على قودة الكومبيوتر دايركت مافيش فصل اطلعه ولا حصة احضرها
وامشى قبل الكل واتقيد حضور :D
دى السنة الوحيدة فى الأبتدائية والأعدادية اللى كنت مأجز فيها من المعتقل :D
كان نفسى المدونة يكون فيها نظام الأقتباس عشان كان فى كام رد عايز اعلق على كل واحد منهم لوحده..
بس مش مشكلة الموجود يسد
بالنسبة لنظام التعليم فى المدارس دى
دى سياسة انهم يحببو الطالب فى المدرسة
لحد اما يبدأ يستوعب انها دراسة وعقله ينضج شوية
وبعدها يبدأ يدخل فى الجد ويزاكر
ويجتهد انه ينجح عشان المدرسين بتوعه يحبوه لأنه بيحبهم
انا ابن اختى فى رابعة ابتدائى
من اول اولى ابتدائى وهو كل سنة يا الأول يا التانى على المدرسة
ولما بيطلع التانى بيفضل يلوم فى نفسه
ولما اكلمه واشجعه واعرفه ان هو شاطر
يقولى لا.. ميس هدى طلبت منى انى اطلع الأول فى المادة بتاعتها (العربى والأملاء)
واستاذ حسن طلب منى اطلع الأول فى المادة بتاعته
وانا دلوقتى طلعت التانى وهما هايزعلوا منى!!
شوفته تأثير الدراسة اللى من النوع ده على الأطفال؟
بس للاسف الطفل من دول عشان يتمتع بكل ده
ويكبر ويبقة انسان ناجح
لازم يكون ابوه عضو مجلس شعب او تاجر فى الذى منه
واترك لكم الباقى
يلا ربنا يهدي