مظاهرة بالصوت والصورة

كنت بالقاهرة السبت الماضى وواضح ان المظاهرات ورايا ورايا فى اسكندرية والقاهرة هنعمل ايه مصر بقت كلها مظاهرات وياريت بس المجهود دة يجى بفايدة.... حالة الغضب اصبحت تسود كل المحافظات فى مصر ونفسى اعرف الحكومة دى مستنية ايه علشان تستقيل مظاهرات واضرابات والشعب خلاص قالها بمنتهى الصراحة مش عايزينكم والله لو كان جبل كان حس - ما علينا - انا اشتركت فى مظاهرة نقابة الصحفيين - من اجل الافراج عن معتقلى عمال المحلة فى احداث 6 ابريل - مساء السبت الماضى واعتذر عن تأخر نشرها

طبعا ما ضيعتش الفرصة دى وصورت لكم شوية صور وفيديوهات نرجو ان تنال اعجابكم

محمد عبد القدوس يدعو من اجل التضامن مع عمال المحلة










اربط اجرى بالاسعار اصل العيشة مرة مرار

ياريت اى حد يقرا الموضوع يسيب اى تعليق ... بجد محتاجة اعرف رأيكم فى الموضوع وفى المدونة عموما

Comments

Queen Eve said…
ايه يا بنتى ايه حكاية المظاهرات معاكى هما بيعرفوا انتى رايحة فين و يقومولك بمظاهرة احتفالا بيكى و لا ايه زى ما تكون واحدة شحاتة من اطفال شوارع بلدنا اللى بالك فيهم(قصدى طبعا على الشوارع و الاطفال) دعيتلك روحى ربنا يكتبلك فى كل خطوة مظاهرة
بس للاسف ان شايفة ان دلوقتى من كتر المظاهرات مبقناش عارفين مظاهرة ايه عايزة ايه لكن انا متهيالى فى امل انا شفت فى فيلم السادات ان لما قامت مظاهرات علشان رغيف العيش نزل السادات السعر زى ما الناس طلبت ودلوقتى كمان لما المظاهرات قامت علشان رغيف العيش خلوا العيش على البطاقةيعنى فعلا بدا يبقى فى تاثير
على العموم زى ما انتى عارفة انى ضد المظاهرات بشكل عام بس فرحت لما عرفت ان الرغيف بقى على البطاقة دى مؤشرات اننا قربنا ناكل جاتوه زى صاحبتنا بتاعة فرنسا يييييييييه نسيت اسمها
May 22, 2008 at 10:29 PM
إبـراهيم ... said…
أول زيارة ليا هنا .....
إحنـا (كقاهريينج) آآآسـفين يا فندم، بس وااضح إن الموضوع عجب سعادتك ....
تحياتي، وأنزل أكمل .... بقى
May 23, 2008 at 1:00 AM
mishoalex said…
بجد كده خلاص حرام بجد في كل حاجه في الحكومه و الغلاء و الشعب غلبان مافيش بايده حاجه علشان الحاكم بامره موجود يدوا علاوه 30% و بعديها بايام يغلو سعر البنزين و تغلي المواصلات ده مافيش كده بيحصل في العالم و حايخلوا العيش علي بطاقه التموين و يصرف بكوبونات و نصيب الفرد 3 ارغفه عيش يعني لو حد جاع تاني ماياكولش يفضل جعان و ماادراكو بقي من شكل العيش لما تاخده من عند محل التموين مش حاطول لان كده بجد حرام و كفايه
نظيف يتركها اكثر نظافه (ده اذا سابها طبعا )
May 23, 2008 at 2:56 AM
شريف طلال said…
انا مش هعلق على الموضوع
عشان معروف فعلاً ردى
لاحول ولا قوه الا بالله كالعاده يعنى
بس انا هعلق على المدونه كلها زى ما انتى عايزه
انا اولا حاطتها واللهى فى المفضله عندى
مدونتك تفوقت على بعض المدونات المشهوره جداً جداً و اصحابها واخدين جوايز كمان
بس لم تتفوق بمعنى الكلمه عشان فيه عائق
انك مقله جداً
و بتغيبى كتير
اى نعم بترجعى بمواضع رهيبه منها مثلاً خطابات ايمن نور
لكن مينفعش كده
انتى لو كملتى بأستمرار و بقت موضوعاتك على الاقل اسبوعيه بجد مدونتك هتبقى من اقوى المدونات المصريه
خديها منى انتى بنت مناضله بجد
بس مقله و ده عيبك الوحيد
و اسف على صراحتى
ارجو لكى الاستمرار بكثره
تحياتى
May 24, 2008 at 3:38 AM
Anonymous said…
انا شايف ان اجمل حاجه في مدونتك هي انك بتغيبي ،، وبنكتشف انك مهما تغيبي عمرنا ما ننساكي
وبترجعي دايما بمواضيع اجمد

17
August 23, 2008 at 9:31 PM
Post a Comment

Popular posts from this blog

!!! ظلمنا الضباط المرة دى

تنفرد الحب والسلام بعرض هذا الفيديو عن ضابط المرور الذى تحرش بزوجة قاضى كما سمعنا وقرأنا من قبل....ولكن واضح اننا ظلمنا الضباط هذه المرة ضابط المرور اسمه حازم عفيفى وهو من الضباط المشهود لهم بحسن الخلق والسمعة الطيبة القصة ليست كما قرأنا عنها -ارجو العلم اننى من البداية لم اقتنع بها حيث اننى اعلم جيدا ان ضباط المرور مختلفين أخلاقيا تماما عن ضباط الشرطة او اخوانا البعدة بتوع امن الدولة ربنا يهدهم.. وانا اعرف من ضباط المرور الكثير ولى اصدقاء منهم - نرجع للقصة الحقيقة ان زوجة هذا القاضى وهو رئيس محكمة جنايات بالأسكندرية - كانت داخل سيارتها واقفة صف تانى فى تقاطع شارع سوريا مع شارع ابو قير بالأسكندرية وهو شارع معروف عنه ازدحامه الشديد جاء اليها هذا الضابط طالبا منها التحرك فرفضت فطلب منها الرخص كما هو معتاد ان يحدث فرفضت ايضا وبدأت فى تهديده وأخذت تردد العبارة الشهيرة " انت ما تعرفش انا مين؟ ؟ أنا هوديك فى داهية " ثم اتصلت بزوجها واحضرته وسأتتركم ترون ماذا فعل زوجها المحترم رئيس المحكمة مع الضابط وماذا قال عن وزير الداخلية أطرف ما فى الموضوع ان هذا الضابط شاب صغير ولسة را
Read more

تحقيقات فى جامعة اسيوط

Image
وصلنى ايميل من شخص مجهول به موضوع كامل بالصور والكتابة وطلب منى ان انشره..... انا بشكره جدا على الموضوع وسوف اقوم بنشره ولكنى اذكركم انه ليس لى اى تدخل فى كتابة الموضوع وان صاحب الايميل هو الذى قام بارسال الصور وكتابة الموضوع جامعة أسيوط تهنئ طلابها بالعيد ولكن على طريقتها الخاصة تأبى إدارة جامعة أسيوط إلا أن تدخل السعادة على طلابها ، فقبل عيد الأضحى المبارك بأيام قليلة قامت إدارة الجامعة بتقديم تهنئة خاصة إلى طلابها وذلك بتحويل خمسة من طلابها إلى التحقيقات، متهمة إياهم بتوزيع بيانات يوم 4/12 تدعو إلى فكر محظور، وتعطل اليوم الدراسي ، وتثير القلاقل والبلبلة داخل الجامعة !! جدير بالذكر أن هذا اليوم يوافق قيام الطلاب بتنظيم مسيرة سلمية لمناصرة فلسطين وإبراز المعاناة للشعب الفلسطيني،والدعوة إلى فك الحصار عن غزة . وقد استنكر متحدث باسم طلاب الإخوان التهم الموجهة للطلاب وتساءل كيف يتحول الاهتمام بقضايا الأمة وعلى رأسها قضية فلسطين إلى فكر محظور، وكيف تثير دعوة الطلاب لرفع المعاناة عن إخوانهم في فلسطين البلبلة والقلاقل!! وأوضح أن البيان المذكور لم يتحدث فيه الطلاب إلا عن أهمية قضية فلسطين لك
Read more

شوفتوا المدارس الأمريكانى ؟؟

Image
شاء القدر انى أحضر امبارح حفلة استقبال الأطفال فى أول يوم دراسى لهم فى المدرسة الأمريكية فى أسكندرية أحنا ما كوناش بنروح مدارس ولا ايه؟؟؟ اليكم شوية حاجات من اللى شوفتها أولا D J فى الحديقة لعمل جو ظريف للأطفال وثانيا على مدخل المدرسة بعض المدرسات يحملن الحلويات لتسليمها للاطفال أول ما يدخلوا ثالثا الحديقة مليئة بالمشرفات شبه واحدة لكل طفل لتكون مسؤلة عنه فى كل ما يحتاجه أثناء اللعب والمدرسات يشاركوهم فى اللعب ايضا رابعا رسامين الماسكات اللى بتترسم على الوجه فى انتظار من يريد خامسا اتفقعت مرارتى جدا وبعد قضاء الأطفال نصف اليوم فى هذا الجو الرائع صعدوا الى فصولهم ليس للتعليم انه ( فانى داى ) بل ليلعبوا ويمارسوا الأنشطة المسلية داخل الفصل وفى نهاية اليوم أخذ كل طفل كيس مقرمشات و فانوس هدية رمضان الله على الفلوس اللى خلت حتى التعليم يبقى فيه خيار وفانوس قصدى فاقوص
Read more