التدوين وحشنى اوى

بجد وحشنى التدوين ووحشنى تواصلى مع الناس .... الفيس بوك هو السبب انا مش كسلانة والله ولا حاجة .... طبعا الاحداث العظيمة اللى مصر مرت بيها ما ينفعش ما اغطيهاش وانقلها لكم ويارب اقدر انقلكم الوضع فى الاسكندرية صوت وصورة وتنال اعجابكم يارب

Comments

Kareem said…
انا كمان واحشنى التدوين اوى ....
نفسى ارجع اكتب زى زماااااان ....
منه لله الفيس بوك بوظلنا متعة التدوين
February 21, 2011 at 10:18 PM
Dalia Al Marghani said…
@kareem اه والله يا كريم عندك حق. الفيس بوظ الدنيا وقضى على المدونات بس فى سؤال : لما بتدون بتكون مدون طيب لما تكتب على الفيس تبقى ايه؟
March 10, 2011 at 6:48 PM
Post a Comment

Popular posts from this blog

شوفتوا المدارس الأمريكانى ؟؟

Image
شاء القدر انى أحضر امبارح حفلة استقبال الأطفال فى أول يوم دراسى لهم فى المدرسة الأمريكية فى أسكندرية أحنا ما كوناش بنروح مدارس ولا ايه؟؟؟ اليكم شوية حاجات من اللى شوفتها أولا D J فى الحديقة لعمل جو ظريف للأطفال وثانيا على مدخل المدرسة بعض المدرسات يحملن الحلويات لتسليمها للاطفال أول ما يدخلوا ثالثا الحديقة مليئة بالمشرفات شبه واحدة لكل طفل لتكون مسؤلة عنه فى كل ما يحتاجه أثناء اللعب والمدرسات يشاركوهم فى اللعب ايضا رابعا رسامين الماسكات اللى بتترسم على الوجه فى انتظار من يريد خامسا اتفقعت مرارتى جدا وبعد قضاء الأطفال نصف اليوم فى هذا الجو الرائع صعدوا الى فصولهم ليس للتعليم انه ( فانى داى ) بل ليلعبوا ويمارسوا الأنشطة المسلية داخل الفصل وفى نهاية اليوم أخذ كل طفل كيس مقرمشات و فانوس هدية رمضان الله على الفلوس اللى خلت حتى التعليم يبقى فيه خيار وفانوس قصدى فاقوص
Read more

...... توضيح بسيط

اللى من سكان أسكندرية يعرف كويس ان شارع تلاتين بيربط سيدى بشر والعصافرة القبليين والمسافة بين المنطقة اللى حصلت فيها الأحداث والعصافرة 500 متر فقط ولذلك نشرت الصحف ان المنطقة التى حدثت بها المشاجرة هى العصافرة ولعدم حدوث لغبطة عند القارىء ذكرنا انها العصافرة يعنى الخطأ جاء من الصحف أولا وبعدين الموضوع مش فارق كتير يعنى كلهم 500 متر وللعلم ايضا : سيدى بشر بحرى حاجة وسيدى بشر قبلى حاجة تانية خالص والعصافرة بحرى حاجة والعصافرة قبلى حاجة تانية برضه خالص ( علشان موضوع الفرافير والبيئة ) ...... سلام
Read more

!!! ظلمنا الضباط المرة دى

تنفرد الحب والسلام بعرض هذا الفيديو عن ضابط المرور الذى تحرش بزوجة قاضى كما سمعنا وقرأنا من قبل....ولكن واضح اننا ظلمنا الضباط هذه المرة ضابط المرور اسمه حازم عفيفى وهو من الضباط المشهود لهم بحسن الخلق والسمعة الطيبة القصة ليست كما قرأنا عنها -ارجو العلم اننى من البداية لم اقتنع بها حيث اننى اعلم جيدا ان ضباط المرور مختلفين أخلاقيا تماما عن ضباط الشرطة او اخوانا البعدة بتوع امن الدولة ربنا يهدهم.. وانا اعرف من ضباط المرور الكثير ولى اصدقاء منهم - نرجع للقصة الحقيقة ان زوجة هذا القاضى وهو رئيس محكمة جنايات بالأسكندرية - كانت داخل سيارتها واقفة صف تانى فى تقاطع شارع سوريا مع شارع ابو قير بالأسكندرية وهو شارع معروف عنه ازدحامه الشديد جاء اليها هذا الضابط طالبا منها التحرك فرفضت فطلب منها الرخص كما هو معتاد ان يحدث فرفضت ايضا وبدأت فى تهديده وأخذت تردد العبارة الشهيرة " انت ما تعرفش انا مين؟ ؟ أنا هوديك فى داهية " ثم اتصلت بزوجها واحضرته وسأتتركم ترون ماذا فعل زوجها المحترم رئيس المحكمة مع الضابط وماذا قال عن وزير الداخلية أطرف ما فى الموضوع ان هذا الضابط شاب صغير ولسة را
Read more