وحشتونى .......وحشتونى ......وحشتونى

قرائى الأعزاء وحشتونى أوى ووحشتنى تعليقاتكم الجميلة ووحشنى التدوين .....أسفة على غيابى للمرة التانية.. بس انا حاسة انى راجعة وكلى طاقة للتدوين.... حاجات كتير فى حياتى أتغيرت فى الفترة الماضية والحمد لله التغيير دة كان للأحسن وبصراحة حاسة انى مليئة بالطاقة الان وان شاء الله أوعدكم ببوستات جريئة وجديدة زى ما عودتكم
أرجو قبول اعتذارى عن فترة الغياب دى
أنا مبسوطة وفرحانة أوى واتمنى يارب كل الناس قلبها يتملى فرحة زى قلبى دلوقتى.... اجمل شىء فى الوجود لما الانسان يحس انه لقى نفسه بعد ما كانت ضايعة منه
مهما فاتنا ومهما خسرنا بكرة ان شاء الله جايب حاجات جميلة أوى
الماضى وكل الذكرى استنى بدالهم بكرة
أفتح حضنك للعالم حب وما تحبش تكره
أدعوا لى يا جماعة فى الفترة الجاية.... محتاجة دعواتكم

Comments

Anonymous said…
حمدالله علي السلامة ..ممكن اسئلك سؤال انتي كنتي من المدافعين عن وائل عباس ..نفسي اعرف بعد الفترة دي لسه شايفة وائل بنفس الصورة اللي كنتي شايفاها عنه احبر اعرف رائيك بصراحة وبدون دبلوماسية لازم تقولي رايك بصراحة
who-is-wael-abbas.blogspot.com
February 4, 2008 at 6:00 PM
mishoalex said…
This comment has been removed by the author.
February 4, 2008 at 9:02 PM
mishoalex said…
داليا حمد لله علي السلامه و اهلا بيكي بعد الغيبه الطويله دي كلها بجد كان في حاجه نقصانا علشان مافيش جديد في المدونه
انا حاسس في كلامك بانسانه جديده و يارب الي يجي احسن من الي فات ان شاء الله


(عيش وقتك عيش ايامك الدنيا براح قدامك و الضحكه تهون اي جراح
الدنيا لو جارحه هونها يوم فرحه
مهو ايه بيطول عمر الواحد غير الفرحه)
وحمدلله علي السلامه كمان مره و ماتغبيش تاني كل ده
:-):-):-):-)
February 4, 2008 at 9:05 PM
Khalid Mostafa said…
حمدالله علي السلامه يا داليا ..ايه الغيبة الطويلة دي ..الحقيقة غيابك كان سايب فرغ كبير لأن المدونات المحترمه بقت نادرة ..حتي مدونة وائل عباس مبقتش بقرأها لأنه بقي بيخرف وبجانب إستخدامه للألفاظ النابية المعتاده كمان اتجه إتجاه فكري غريب كده و مش تمام يخلي الواحد ميدخلش المدونه اصلاً
يالا ورينا الهمه بقي
February 6, 2008 at 10:34 AM
Anonymous said…
مفيش داليا قديمة وداليا جديدة
طول عمرك جميلة وجديدة يا داليا ومافيش زيك 2
هتوصلي لكل احلامك
الووو الووو
17
17
تمنياتي ليكي بالنجاح يا اجمل داليا في الدنيا
February 7, 2008 at 9:33 PM
مجلة سيكولوجية مصرية said…
ربنا يوافق يا داليا

وفى انتظار تدويناتك

أحمد
February 8, 2008 at 4:37 PM
Post a Comment

Popular posts from this blog

شوفتوا المدارس الأمريكانى ؟؟

Image
شاء القدر انى أحضر امبارح حفلة استقبال الأطفال فى أول يوم دراسى لهم فى المدرسة الأمريكية فى أسكندرية أحنا ما كوناش بنروح مدارس ولا ايه؟؟؟ اليكم شوية حاجات من اللى شوفتها أولا D J فى الحديقة لعمل جو ظريف للأطفال وثانيا على مدخل المدرسة بعض المدرسات يحملن الحلويات لتسليمها للاطفال أول ما يدخلوا ثالثا الحديقة مليئة بالمشرفات شبه واحدة لكل طفل لتكون مسؤلة عنه فى كل ما يحتاجه أثناء اللعب والمدرسات يشاركوهم فى اللعب ايضا رابعا رسامين الماسكات اللى بتترسم على الوجه فى انتظار من يريد خامسا اتفقعت مرارتى جدا وبعد قضاء الأطفال نصف اليوم فى هذا الجو الرائع صعدوا الى فصولهم ليس للتعليم انه ( فانى داى ) بل ليلعبوا ويمارسوا الأنشطة المسلية داخل الفصل وفى نهاية اليوم أخذ كل طفل كيس مقرمشات و فانوس هدية رمضان الله على الفلوس اللى خلت حتى التعليم يبقى فيه خيار وفانوس قصدى فاقوص
Read more

...... توضيح بسيط

اللى من سكان أسكندرية يعرف كويس ان شارع تلاتين بيربط سيدى بشر والعصافرة القبليين والمسافة بين المنطقة اللى حصلت فيها الأحداث والعصافرة 500 متر فقط ولذلك نشرت الصحف ان المنطقة التى حدثت بها المشاجرة هى العصافرة ولعدم حدوث لغبطة عند القارىء ذكرنا انها العصافرة يعنى الخطأ جاء من الصحف أولا وبعدين الموضوع مش فارق كتير يعنى كلهم 500 متر وللعلم ايضا : سيدى بشر بحرى حاجة وسيدى بشر قبلى حاجة تانية خالص والعصافرة بحرى حاجة والعصافرة قبلى حاجة تانية برضه خالص ( علشان موضوع الفرافير والبيئة ) ...... سلام
Read more

!!! ظلمنا الضباط المرة دى

تنفرد الحب والسلام بعرض هذا الفيديو عن ضابط المرور الذى تحرش بزوجة قاضى كما سمعنا وقرأنا من قبل....ولكن واضح اننا ظلمنا الضباط هذه المرة ضابط المرور اسمه حازم عفيفى وهو من الضباط المشهود لهم بحسن الخلق والسمعة الطيبة القصة ليست كما قرأنا عنها -ارجو العلم اننى من البداية لم اقتنع بها حيث اننى اعلم جيدا ان ضباط المرور مختلفين أخلاقيا تماما عن ضباط الشرطة او اخوانا البعدة بتوع امن الدولة ربنا يهدهم.. وانا اعرف من ضباط المرور الكثير ولى اصدقاء منهم - نرجع للقصة الحقيقة ان زوجة هذا القاضى وهو رئيس محكمة جنايات بالأسكندرية - كانت داخل سيارتها واقفة صف تانى فى تقاطع شارع سوريا مع شارع ابو قير بالأسكندرية وهو شارع معروف عنه ازدحامه الشديد جاء اليها هذا الضابط طالبا منها التحرك فرفضت فطلب منها الرخص كما هو معتاد ان يحدث فرفضت ايضا وبدأت فى تهديده وأخذت تردد العبارة الشهيرة " انت ما تعرفش انا مين؟ ؟ أنا هوديك فى داهية " ثم اتصلت بزوجها واحضرته وسأتتركم ترون ماذا فعل زوجها المحترم رئيس المحكمة مع الضابط وماذا قال عن وزير الداخلية أطرف ما فى الموضوع ان هذا الضابط شاب صغير ولسة را
Read more