الحب والسلام

اللى من سكان أسكندرية يعرف كويس ان شارع تلاتين بيربط سيدى بشر والعصافرة القبليين والمسافة بين المنطقة اللى حصلت فيها الأحداث والعصافرة 500 متر فقط ولذلك نشرت الصحف ان المنطقة التى حدثت بها المشاجرة هى العصافرة ولعدم حدوث لغبطة عند القارىء ذكرنا انها العصافرة يعنى الخطأ جاء من الصحف أولا وبعدين الموضوع مش فارق كتير يعنى كلهم 500 متر وللعلم ايضا : سيدى بشر بحرى حاجة وسيدى بشر قبلى حاجة تانية خالص والعصافرة بحرى حاجة والعصافرة قبلى حاجة تانية برضه خالص ( علشان موضوع الفرافير والبيئة ) ...... سلام

شاء القدر انى أحضر امبارح حفلة استقبال الأطفال فى أول يوم دراسى لهم فى المدرسة الأمريكية فى أسكندرية أحنا ما كوناش بنروح مدارس ولا ايه؟؟؟ اليكم شوية حاجات من اللى شوفتها أولا D J فى الحديقة لعمل جو ظريف للأطفال وثانيا على مدخل المدرسة بعض المدرسات يحملن الحلويات لتسليمها للاطفال أول ما يدخلوا ثالثا الحديقة مليئة بالمشرفات شبه واحدة لكل طفل لتكون مسؤلة عنه فى كل ما يحتاجه أثناء اللعب والمدرسات يشاركوهم فى اللعب ايضا رابعا رسامين الماسكات اللى بتترسم على الوجه فى انتظار من يريد خامسا اتفقعت مرارتى جدا وبعد قضاء الأطفال نصف اليوم فى هذا الجو الرائع صعدوا الى فصولهم ليس للتعليم انه ( فانى داى ) بل ليلعبوا ويمارسوا الأنشطة المسلية داخل الفصل وفى نهاية اليوم أخذ كل طفل كيس مقرمشات و فانوس هدية رمضان الله على الفلوس اللى خلت حتى التعليم يبقى فيه خيار وفانوس قصدى فاقوص

قمت بتغطية موضوع العصافرة وكنت تقريبا المدونة الوحيدة التى غطت هذا الموضوع...... ألتقطت العديد من الصور والفيديوهات بس مع الأسف من طمعى بعد تغطيتى للموضوع كله اردت أخذ صورة فينال للموضوع وكانت صورة مدير الأمن ... فطبعا اتعكشت واخذ منى الموبايل ولغى الكثير من الصور ولكن العناية الألهية تدخلت وفصل الموبايل شحن فتبقى شوية صور وفيديوهات...... ولأنى خفت الموضوع يطلع بشكل مش حلو ويضيع مجهودى هدر وذلك لعدم اجادتى تظبيط الفيديوهات والمقاطع الصوتية - أشترك معى المدون الكبير وائل عباس فى اخراج الموضوع ونشره عنده وبصراحة طلع بشكل ما كنتش حقدر اطلعه احسن منه لمن يحب قراءته الدخول على مدونة الوعى المصرى http://misrdigital.blogspirit.com/ السادة الظباط اللى عكشونى البوكس مستنى زباين

اخر ما كتبه عبد الكريم نبيل سليمان - من سجنه - عبد الكريم احد ضحايا كبت الحريات والظلم الذين امتلاءت بهم سجون ومعتقلات مبارك عبد الكريم الذى حكم عليه بالسجن لمجرد ابداء رأى ووجه نظر أختلفت مع السلطة وكلابها الوجه الاخر للديموقراطية فى مصر " اذا أخطأت لن أصحح لك خطأك ... واذا أختلفت معى لن أناقشك . بل ستسجن أو تعتعقل " ونعم الحرية والديموقراطية المقال منقول عن مدونة واحدة مصرية - بعد الأسئذان من صاحبتها طبعا - وهذا هو وصلني من كريم جواب و به مقال يحتوي على كلام أراد كريم أن يوجهه للقاضي و السجانين يوم الحكم علية و لكنه تراجع و اليوم طلب مني أن أنشره أنا أضعة هنا كما هو أكتب و قد أشرف عام "كامل" على الإنتهاء مرت أيامة علي و أنا مقيد الحرية محدود الحركة و ادركت من خلال قسوة التجربة مرارة الشعور بالظلم الذي يصعب على المرء وصفة كونة لا يضاهية شعور خاصة عندما يقع هذا الظلمعلى أنسان لم يقترف إثما و لم يرتكب ذنبا بل كل ما فعلة يقتصر على ممارسته حقا من حقوقة المشروعة مدنيا و إنسانيا و التي لا يقرها الجائرون.و لعلة قد مر وقت لا بأس به منذ ان صدر الحكم الجائر بحبسي لسنوات أر

أعلنت اليوم جوائز الأفلام فى المهرجان وسعدت جدا جدا بفوز فيلم أزرق وأحمر بجائزة أفضل فيلم ديجيتال روائى قصير وكنت اتمنى فيلم أسطبل عنتر يفوز لكن الحمد لله انه اخد شهادة تقدير من ادارة المهرجان مع انه كان يستاهل جايزة والله...... وهذا هو اعلان بعض الجوايز الافلام المصرية الجائزة الاولى وقدرها 50000 ألف جنية فيلم قص ولزق اخراج هاله خليل الجائزة الثانية وقدرها 30000 الف جنيه فيلم كدة رضا اخراج احمد نادر جلال الجائزة الثالثة وقدرها 20000 الف جنيه فيلم مرجان احمد مرجان اخراج على ادريس افلام الديجيتال القصيرة احسن فيلم تسجيلى قصير انا مضايقك اخراج ايمن حسين و محمد عبد الرؤوف احسن فيلم ديجيتال روائى قصير أزرق وأحمر اخراج محمود سليمان جائزة لجنة التحكيم الخاصة انسحاب بهدوء اخراج شباب مركز الفنون الدرامية بالجزويت شهادة التقدير الخاصة للفيلم التسجيلى القصير اسطبل عنتر اخراج يوسف هشام جوائز الجمعية المصرية لكتاب ونقاد السينما جائزة التفوق لافضل وجه جديد 25000 الف جنيه مروة مهران فيلم قص ولزق جائزة افضل دور تانى 25000 الف جنيه احمد راتب فيلم شقة مصر الجديدة جائزة التفوق لاحسن فيلم مصر

حلم اسطبل عنتر .........فى مهرجان الاسكندرية السينمائى الدولى النهاردة كان يوم تحفة.... روحت المركز الثقافى الفرنسى كان بيتعرض هناك الأفلام التسجيلية والوثائقية والروائية القصيرة المشاركة فى مهرجان الأسكندرية السينمائى - اه هو أنا ما قولتش لكم ان السينما دى اهم حاجة فى حياتى وانى كنت ومازلت بحلم بدراسة الأخراج السينمائى ؟ دى معلومة لازم تعرفوها حبى للسينما خلانى خسرت حاجات كتير وكسبت برضه حاجات اكتر- ماعلينا- اتفرجت على شوية أفلام حلوين اوى احلى حاجة فيهم انهم لشباب لسة بيبتدوا ما قعدوش يحلموا وبس- زى حلاتى -نفذوا حلمهم وخلوه واقع ملموس برافو عليهم والله وربنا معاهم مش حقدر اتكلم عن كل الأفلام طبعا حختار اكتر فيلمين عجبونى- مع العلم انى فاتنى كذا فيلم لظروف خارجة عن ارادتى الفيلم الاول: حلم اسطبل عنتر ..... اخراج: يوسف هشام فيلم تسجيلى بيتناول حياة احد فئة المهمشين وهم اهالى اسطبل عنتر. تناول المخرج حياتهم ومشاكلهم وظروفهم القاسية الفيلم بدأ بسؤال لمجموعة من الناس وهو بتحلم بأيه ؟؟؟ كل واحد قال بيحلم بأيه وبعدين دخل على ناس اسطبل عنتر ما سألهومش بتحلموا بأيه خلى مشاهد يشوف كمية المع

من المؤسف جدا ما حدث لوائل عباس ببرنامج التلفيقة -اقصد الحقيقة - بتاع وائل الابراشى فى حلقته عن محمد حجازى ..... مؤامرة دنيئة وأسلوب رخيص فى تحقيق أوامر السلطةمن المتعارف عليه فى كل البرامج المحترمة انه عندما يتم التسجيل مع حد يتقال له ما الذى سيحذف وما الذى سيذاع وهذا امر بديهى جدا فى البلاد المحترمة..... لكن للاسف عندنا بنعتبراى حد بيتكلم -غير بتوع السلطة - انه مجرد بغبغان حيقول اى كلام نقص منه ولا نشيله كله مش مشكلة......... عندما تم التسجيل مع وائل عباس لم يعلم ان ما قاله سيحذف ويبقى ما سمعناه . وائل لم يتحدث عن محمد حجازى بشكل شخصى وماقالش الكلمتين اللى اتكرموا علينا بيهم وذاعوهم لنا بس ..... بل تحدث عن مشكلة كل الشباب فى عدم توفر اقل حقوقهم الشرعية فى البلد دى وظروفهم اللى بقت منيلة وتصعب على الكافر وقال ان الظروف دى هى اللى ممكن تدفعهم لمثل ما فعله محمد حجازى ....... مش محمد حجازى عمل كدة علشان شقة ولا فلوس .......... بس طبعا ماينفعش حد يطلع فى التليفزيون المصرى ويقول اننا عندنا مشاكل ومش لاقين ناكل - لازم اللى يطلع فى التليفزيون يكون مستحمى ومسشور شعره ويقول اننا فى احسن بلد فى

اختلفت الأراء حول تنصير محمد حجازى الذى اصبح بيشوى الان بعد التعميد البعض يراه مذنب يجب اقامة الحد عليه وقتله والبعض يراه ضحية مجتمعنا الذى نعيشه...... وللاسف ارى ان معظم الاراء حول هذا الموضوع سطحية للغاية المأساة ليست تحول شاب مسلم الى الديانة المسيحية المأساة الحقيقية فى اسباب هذا التحول...... قبل ان استعرض هذه الاسباب اود ان انشر ما جاء بجريدة المصريون التى انفردت بنشر اجزاء من مذاكرات محمد حجازى الشخصية والتى جاء فيها :-(أحبائي في الله وإخوتي في حب رسول الله (ص)،إن ما سوف أرويه لكم من أحداث هو احد أصعب مفردات واقع أليم تعيش فيه أمة قال الله عز وجل عنها أنها "خير أمة أخرجت للناس"إن الوقائع التي سوف أسردها لكم لم تحدث في أوروبا أو أميركا أو إسرائيل أو غيرها من أماكن الكفر التي تعج بالسفاحين والتي ما تزال أيادي أهلها ملوثة بدماء المسلمين وحلوقهم تنضح نتانة تدل على مدى كراهيتهم للرسول الكريم .بل حدث ذلك ويحدث في بلد يقال عنها أنها بلد إسلامية وأن أهلها مسلمون !!!كذلك لم يكن زمن الأحداث هو العصر الجاهلي ولا الفرعوني ولا حتى العصر البدائي إنه للأسف عصرنا هذا عصر تعدى فيه الأرا